بھارتی پروفیسر اشوک سوائن کا اوورسیز سٹیزن کارڈ منسوخی کا حکم کالعدم قرار
نئی دلی ہائی کورٹ نے بھارتی پروفیسر اشوک سوائن کا اوورسیز سٹیزن کارڈ منسوخی کا حکم کالعدم قرار دے دیا۔
بھارتی میڈیا کے مطابق سوئیڈن میں مقیم پروفیسر اشوک کا اوورسیز سٹیزن کارڈ حکومت نے منسوخ کیا تھا۔
نئی دلی ہائی کورٹ نے حکومت کو 3 ہفتوں میں نیا حکم نامہ جاری کرنے کا حکم دے دیا۔
بھارتی میڈیا کا کہنا ہے کہ سوئیڈن میں بھارتی سفارتخانے نے اشوک سوائن کا او سی آئی کارڈ منسوخ کر دیا تھا۔
اس حوالے سے اشوک سوائن نے کہا کہ میرا او سی آئی کارڈ بھارتی حکومت پر تنقید کرنے پر منسوخ کیا گیا تھا۔
واضح رہے کہ بھارتی پروفیسر اشوک سوائن نے بھارتی وزیرِ اعظم نریندر مودی کو موت کا سوداگر قرار دیا تھا۔
سوئیڈن میں پروگرام آف انٹرنیشنل اسٹڈیز کے بھارتی نژاد ڈائریکٹر، ایسوسی ایٹ پروفیسر اشوک سوائن نے بھارتی وزیرِ اعظم پر تنقید کرتے ہوئے کہا تھا کہ مودی صرف لاشوں پر سیاست کرنا جانتے ہیں۔
Comments are closed.