بھارتی ویمن کرکٹرز کی بسمہ معروف کی بیٹی کیساتھ وائرل ویڈیو نے ہربھجن کو بھی خوش کردیا

بھارتی کرکٹ ٹیم کے سابق اسپنر ہربھجن سنگھ نے بھی  پاکستانی کپتان بسمہ معروف کی بیٹی کے ہمراہ وائرل ویڈیو پر ردعمل دے دیا۔

خیال رہے کہ ورلڈکپ میں بھارتی ٹیم نے اپنے پہلے میچ میں پاکستان کو شکست دی لیکن فاتح کھلاڑی پاکستانی کپتان بسمعہ معروف کی کمسن بیٹی فاطمہ کے ہاتھوں دل ہار گئیں۔

 روایتی حریفوں کے درمیان میچ کے بعد ایک ویڈیو میں دیکھا جاسکتا ہے کہ بسمہ معروف اپنی بیٹی کو کندھے سے لگائے کھڑی ہیں اور بھارتی کھلاڑی ان کے ارد گرد جمع اور ننھی فاطمہ سے بات چیت کرنے کی کوشش کررہی ہیں۔

 اس ویڈیو کو بھارت کے سابق کرکٹر ہربھجن سنگھ نے بھی اپنے ٹوئٹر پر شیئر کیا اور ایمجویز کے ذریعے اس پر خوشی کا اظہار کیا۔

بشکریہ جنگ