بھارتی اخبار نے جرمن ایوانِ صدر کو بھارت کا بورڈنگ اسکول بنادیا

بھارتی اخبار نے جرمن ایوانِ صدر کو بھارت کا بورڈنگ اسکول بنا کر پیش کردیا۔

اس بات کی نشاندہی بھارت میں تعینات جرمن سفیر نے بھارتی اخبار میں شائع ہونے والے غلط اشتہار کی نشاندہی اپنے ٹوئٹ میں کردی۔

سفیر ایکرمین نے اشتہار ٹوئٹر پر شیئر کرتے ہوئے وضاحت دی کہ یہ کوئی اسکول نہیں بلکہ جرمنی کا بیلویو محل ہے جہاں ہمارے ملک کے صدر کا دفتر ہے۔

انہوں نے کہا کہ پیارے بھارتی والدین، آج کے اخبار میں یہ اشتہار دیکھا لیکن یہ عمارت کوئی بورڈنگ اسکول نہیں، یہ برلن میں جرمن صدر کا دفتر ہے۔

سفیر نے کہا کہ جیسے آپ کے یہاں راشٹرپتی بھون ہوتا ہے، یہ جرمنی کا راشٹرپتی بھون ہے۔

انہوں نے دلچسپ انداز میں کہا کہ جرمنی میں اچھے بورڈنگ اسکولز بھی ہیں لیکن یہاں (یعنی ایوانِ صدر میں) کسی بچے کو داخلہ نہیں دیا جائے گا۔

بشکریہ جنگ