بڑھتی ہوئی مہنگائی کے خلاف ایم کیو ایم نے سیاسی لائحہ عمل تیار کرلیا

بڑھتی ہوئی مہنگائی کے خلاف ایم کیو ایم پاکستان نے آئندہ کے لیے اپنا سیاسی لائحہ عمل تیار کرلیا ہے۔

ایم کیو ایم کے عارضی مرکز بہادر آباد پر کنوینر ڈاکٹر خالد مقبول صدیقی کی زیرِ صدارت ہونے والے رابطہ کمیٹی کے اجلاس میں پٹرولیم مصنوعات اور دیگر اشیاء کی بڑھتی قیمتوں پر تبادلہ خیال کیا گیا۔

عامر خان نے کہا کہ ایسے فیصلے نہ کیے جائیں جس سے عوام سڑکوں پر نکل آئیں۔

اجلاس میں رابطہ کمیٹی ارکان، قومی و صوبائی اسمبلی کے اراکین نے حکومتی فیصلوں میں مشاورت نہ کرنے پر تشویش کا اظہار کیا اور کہا کہ مہنگائی میں مسلسل اضافے اور وفاقی حکومت کا حصہ ہونے پر ایم کیو ایم پاکستان پر ووٹرز کا دباؤ ہے۔

دورانِ اجلاس ایم کیوایم پاکستان کی قیادت نے سیاسی لائحہ عمل سمیت مختلف آپشنز پر غور کیا۔

بشکریہ جنگ