بچے پر تشدد کی ویڈیو وائرل ہونے پر مدرسے کا قاری گرفتار

لاہور کے علاقے سمن آباد میں مدرسے کےطالب علم پر تشدد کرنے والے قاری کو گرفتار کر لیا گیا ہے۔

مدرسے میں بچے پر تشدد کی ویڈیو سوشل میڈیا پر وائرل ہوئی تھی جس پر سپرنٹنڈنٹ پولیس (ایس پی) اقبال ٹاؤن عثمان ٹیپو نے ایکشن لیا اور تشدد کے ملزم قاری آصف قادری کوگرفتار کر لیا۔

ایس پی عثمان ٹیپو کے مطابق ملزم نے دوران تدریس اپنے شاگرد کو تشدد کا نشانہ بنایا تھا، ملزم کے خلاف مقدمہ درج کرکے تفتیش شروع کردی گئی ہے۔

بشکریہ جنگ