بچوں میں کان کے اندرونی آپریشن سے قوت سماعت کی محرومی ختم کی جاسکتی ہے، ماہرین

ڈاؤ یونیورسٹی اوجھا کیمپس کراچی میں قوت سماعت سے محروم بچوں کو آلہ سماعت کے حوالے سے آگاہی اور تربیت دی گئی۔

ماہرین کا کہنا تھا کہ پیدائشی طور پر قوت سماعت سے محروم بچوں میں کان کے اندرونی آپریشن کے ذریعے آلہ نصب کرکے قوت سماعت کی محرومی کو ختم کیا جاسکتا ہے۔

ورک شاپ میں ملک بھر سے ای این ٹی سرجنز نے شرکت کی۔

ماہرین نے ڈیٹا شیئر کرتے ہوئے بتایا کہ پاکستان میں 14 سے 15 فیصد لوگ قوت سماعت سے محرومی کا شکار ہیں جن میں 2.5 سے 3 فیصد بچے پیدائشی طور پر سماعت سے محروم ہیں۔

ماہرین نے بچوں میں قوت سماعت سے محرومی کی بڑی وجہ خاندانی شادی قرار دی ہے۔

ڈاؤ یونیورسٹی اوجھا کیمپس کے شعبہ ناک، کان اور حلق (ای این ٹی) کے سربراہ پروفیسر ڈاکٹر اقبال خیانی نے جیو نیوز سے گفتگو کرتے ہوئے بتایا کہ قوت سماعت سے محروم 3 سے 4 سال کی عمر تک کے بچوں میں دماغ کی کڑیاں کھلی ہوتی ہے۔

بشکریہ جنگ