بولنگ ہماری طاقت، اب بیٹنگ پر خاص توجہ ہے، افغان کپتان حشمت اللّٰہ شاہدی

افغانستان کرکٹ ٹیم کے کپتان حشمت اللّٰہ شاہدی نے کہا ہے کہ بولنگ ہماری طاقت ہے اب بیٹنگ پر بھی خاصی توجہ دے رہے ہیں۔

لاہور میں ایشیا کپ 2023ء میں گروپ بی کے بنگلادیش کے خلاف میچ سے قبل حشمت اللّٰہ شاہدی نے کہا کہ اُمید ہے افغان لوگ ہمیں سپورٹ کرنے قذافی اسٹیڈیم آئیں گے۔

بنگلا دیش کرکٹ ٹیم کے کوچ چندیکا ہاتھوراسنگا نے کہا ہے کہ ہمارے کھلاڑیوں کو اندازہ ہے کہ افغان بولنگ کو کیسے کھیلنا ہے۔

انہوں نے کہا کہ ہماری بولنگ ہماری طاقت ہے اب بیٹنگ پر بھی خاصی توجہ دی ہے، دونوں ٹیمیں اچھی ہیں، جو ٹیم اچھا کھیلے گی جیت اس کی ہوگی۔

افغان ٹیم کے کپتان نے مزید کہا کہ پچھلی کچھ سیریز میں ہمارا مڈل آرڈر بہتر نہیں تھا، اب اس پر کام کیا ہے۔

اُن کا کہنا تھا کہ سیکیورٹی بہت زیادہ ہے، ہم صرف ہوٹل میں ہوتے ہیں، پاکستان نے بہت اچھی مہمان نوازی کی ہے۔

بشکریہ جنگ