بنگلادیش 84 پر ڈھیر، جنوبی افریقا کیلئے آسان ہدف

مینز ٹی ٹوئنٹی ورلڈکپ 2021 کے آج کھیلے جانے والے میچ کی پہلی اننگز جنوبی افریقا بولرز کے سامنے بے بس نظر آنے والی بنگلادیشی ٹیم 84 رنز پر ڈھیر ہوگئی۔ 

ابوظبی کے شیخ زید اسٹیڈیم میں کھیلے جارہے آج دن کے پہلے میچ میں جنوبی افریقا نے بنگلادیش کو ٹاس جیت کر بیٹنگ کی دعوت دی تھی۔ 

جنوبی افریقا کے صف اول کے ورلڈ کلاس بولرز کگیسو رباڈا اور اینرک نورکیا نے بنگلادیش کی بیٹنگ لائن کو تہس نہس کردیا۔ 

سومیا سرکار، مشفق الرحیم، عفیف حسین اور نسم احمد اپنا کھاتہ تک نہ کھول سکے جبکہ محموداللّٰہ، محمد نعیم اور تسکین احمد دہرے ہندسے تک نہ پہنچ سکے۔ 

آل راؤنڈر مہدی حسن 27 اور اوپننگ بیٹسمین لٹن داس 24 رنز نے پروٹیز کے بولنگ اٹیک کی مزاحمت کی۔ 

کگیسو رباڈا اور اینرک نورکیا نے 3، 3 وکٹیں لیں جبکہ تبریز شمسی کے دو اور ڈوین پریٹوریئس کے حصے میں ایک ایک وکٹ آئی۔

واضح رہے کہ جنوبی افریقا کے لیے آج کے میچ میں جیت انتہائی اہمیت کی حامل ہے، جیت کی بدولت ہی اس کے سیمی فائنل میں جانے کے امکانات ہوں گے۔ 

جنوبی افریقا نے اب تک تین میچز کھیلے ہیں جس میں سے 2 میں جیت اور ایک میں شکست کا سامنا کرنا پڑا۔

دوسری جانب بنگلادیش کی ٹیم پہلے ہی سیمی فائنل کی دوڑ سے باہر ہوچکی ہے۔

بشکریہ جنگ