بنوں: سی ٹی ڈی کی کارروائی، 3 دہشت گرد گرفتار

خیبر پختونخوا کے شہر بنوں میں کاؤنٹر ٹیررازم ڈپارٹمنٹ (سی ٹی ڈی) نے کارروائی  کرتے ہوئے 3 دہشت گردوں کو  گرفتار کرلیا۔

گرفتار دہشت گردوں میں عمر زمان، سلیم عرف ملنگ اور احمد نبی شامل ہیں۔ تینوں گرفتار دہشتگرد ٹارگٹ کلرز ہیں۔

سی ٹی ڈی کا کہنا ہے کہ دہشت گردوں کا تعلق کالعدم ٹی ٹی پی سے ہے، تینوں دہشت گرد لکی مروت سے پشاور جا رہے تھے۔

دہشت گرد لکی مروت، ڈی آئی خان اور بنوں دہشت گرد حملوں میں ملوث تھے۔

سی ٹی ڈی کا کہنا ہے کہ دہشت گرد رات کے وقت کار کے ذریعے لکی مروت سے پشاور جا رہے تھے۔

بشکریہ جنگ