بلوچستان میں روٹی کی قیمت 40 روپے مقرر کرنے کا مطالبہ

آل بلوچستان تندور ایسوسی ایشن نے 220 گرام روٹی کی قیمت 40 روپے مقرر کرنے کا مطالبہ کردیا۔

ایسوسی ایشن رہنما نعیم خلجی نے کہا کہ آٹے اور گیس کی قیمتوں میں اضافے کے بعد موجودہ نرخ پر روٹی کی فروخت ممکن نہیں۔

انہوں نے مزید کہا کہ ریٹ نہیں بڑھانا چاہتے تو 150 گرام کی روٹی 30 روپے میں فروخت کرنے کی اجازت دی جائے۔

نعیم خلجی نے یہ بھی کہا کہ تندور ایسوسی ایشن 220 گرام روٹی کی قیمت 40 روپے مقرر کرنا چاہتی ہے۔

اُن کا کہنا تھا کہ نگراں وزیراعلیٰ تندوروں پر چھاپوں اور گرفتاریوں کا نوٹس لیں۔

بشکریہ جنگ