بلوچستان بلدیاتی انتخابات، 15 سو سے زائد وارڈز میں امیدوار پہلے سے منتخب

بلوچستان کے بلدیاتی انتخابات میں اب تک 1 ہزار 584 وارڈز میں امیدوار بلامقابلہ منتخب ہوچکے ہیں۔

الیکشن کمیشن کے مطابق چار ہزار 456 شہری اور دیہی وارڈز میں14ہزار 611 امیدواروں میں مقابلہ جاری ہے۔

صوبے بھر میں سیکیورٹی کے سخت انتظامات کیے گئے ہیں، 7 اضلاع انتہائی حساس قرار دیئے گئے ہیں۔

کوئٹہ اور لسبیلہ کے علاوہ بلوچستان کے 32 اضلاع میں آج صبح شروع ہوئے بلدیاتی انتخابات کیلئے پولنگ جاری ہے

چیف الیکشن کمشنر مرکزی کنٹرول روم اور اسپیشل سیکرٹری الیکشن کمیشن کوئٹہ سے پولنگ کی نگرانی کر رہے ہیں۔

واضح رہے کہ بلوچستان کے 32 اضلاع میں بلدیاتی انتخابات کے لیے پولنگ کا عمل جاری ہے۔

بشکریہ جنگ