بلوچستان، ینگ ڈاکٹرز کی کئی ماہ سے جاری ہڑتال ختم

بلوچستان میں ینگ ڈاکٹرز نے مذاکرات کامیاب ہونے کے بعد صوبے میں 4 ماہ سے جاری ہڑتال ختم کردی۔

وزیر صحت احسان شاہ نے ینگ ڈاکٹرز ایسوسی ایشن کے رہنماؤں کے ہمراہ پریس کانفرنس میں مذاکرات کامیاب ہونے کا اعلان کیا۔

واضح رہے کہ بلوچستان میں ینگ ڈاکٹرز کی جانب سے مطالبات کے حق میں 4 ماہ سے ہڑتال جاری تھی۔

بلوچستان میں ینگ ڈاکٹرز کی ہڑتال تیسرے مہینے میں داخل ہو گئی ہے، سرکاری اسپتالوں میں او پی ڈیز اور ان ڈور سروسز مسلسل بند ہیں، کوئٹہ میں ینگ ڈاکٹرز ایسوسی ایشن بلوچستان نے اپنے مطالبات کے حق میں 9 فروری کو سول اسپتال کوئٹہ سے گرینڈ احتجاجی ریلی نکال کر ریڈ زون جانے اور وزیر اعلیٰ ہاؤس کے گھیراؤ کی دھمکی دی ہے۔

ہڑتال کی وجہ سے سرکاری اسپتالوں میں او پی ڈیز اور ان ڈور سروسز مسلسل بند تھیں جس کے باعث مریضوں کو پریشانی کا سامنا تھا۔

گزشتہ دنوں ینگ ڈاکٹرز ایسوسی ایشن نے سول اسپتال کوئٹہ سے گرینڈ احتجاجی ریلی نکال کر ریڈ زون جانے اور وزیراعلیٰ ہاؤس کے گھیراؤ کی دھمکی دی تھی۔

بشکریہ جنگ