بلدیاتی ایکٹ کے خلاف جماعت اسلامی کے دھرنے کا 26 واں روز

کراچی میں بلدیاتی ایکٹ کے خلاف سندھ اسمبلی کے باہر جماعت اسلامی کا دھرنا 26 ویں روز بھی جاری ہے۔

جماعت اسلامی نے پیر کو بھی شہر کے مختلف علاقوں میں ریلیاں نکالیں جو مختلف مقامات پر عارضی دھرنا دیتی ہوئی سندھ اسمبلی پہنچیں۔

امیر جماعت اسلامی سراج الحق نے سندھ حکومت کو خبردار کرتے ہوئے کہا ہے کہ 27 فروری سے پہلے بلدیاتی قانون کا معاملہ حل نہ ہوا تو سندھ اسمبلی کے سامنے جاری مارچ بلاول ہاؤس پر پڑاؤ ڈالے گا۔

جماعت اسلامی کراچی کے امیر حافظ نعیم الرحمٰن کا کہنا ہے کہ حکومت سندھ نے بلدیاتی اداروں کو اپنے قبضے میں لے لیا ہے،کوئی بھی اکثریت آئین کے برخلاف فیصلہ نہیں کرسکتی۔

بشکریہ جنگ