بلاول بھٹو کی جام خان شورو کو بلوچستان حکومت کے تحفظات دور کرنے کی ہدایت

چیئرمین پیپلز پارٹی بلاول بھٹو کی وزیر آبپاشی جام خان شورو کو بلوچستان حکومت کے تحفظات دور کرنے کی ہدایت کردی۔

چیئرمین بلاول بھٹو زرداری نے وزیر آبپاشی سندھ کو ہدایت کی کہ  پانی کے معاملے پر بلوچستان حکومت کے تحفظات فوری ختم کئے جائیں۔

پنجاب کے وزیر آب پاشی نے پانی کی تقسیم پر سندھ کے اعتراضات مسترد کرتے ہوئے پانی کی پیمائش کے لیے نیوٹرل امپائر کی تعیناتی کا مطالبہ کردیا۔

وزیر آبپاشی سندھ جام خان شورو نے سیکریٹری آبپاشی اور چیف انجینئر سکھر بیراج سے رابطہ کیا ۔

وزیر آبپاشی نے انتظامیہ کو ہدایت کی کہ  بلوچستان حکومت سے فوری رابطہ کرکے تمام خدشات سنے جائیں، ہماری کوشش ہوگی بلوچستان کو اپنے حصے کا پورا پانی ملے۔

مشیر زراعت منظورحسین وسان نے نئی پیش گوئیاں کردیں، انہوں نے کہا کہ اب مستقبل بلاول بھٹو زرداری کا ہے

انہوں نے کہا کہ ارسا کی طرف ملنے والے پانی کے تمام اعداد و شمار بلوچستان حکومت کے ساتھ شیئر کئے جائیں گے۔

بشکریہ جنگ