بلاول بھٹو فضل الرحمان کے آبائی گاؤں عبدالخیل پہنچ گئے

پاکستان پیپلز پارٹی (پی پی پی) کے چیئرمین و وزیر خارجہ بلاول بھٹو زرداری مولانا فضل الرحمان کے آبائی گاؤں عبدالخیل پہنچ گئے۔

ذرائع کا کہنا ہے کہ بلاول بھٹو فضل الرحمان کو پی ٹی آئی سے مذاکرات پر قائل کرنےکی کوشش کریں گے۔

مولانا فضل الرحمان نے کہا کہ پاکستانی سیاست اتنی گری نہیں کہ ہم عمران خان سے مذاکرات کریں۔

گزشتہ روز اتحادیوں کی ملاقات میں فضل الرحمان نے پی ٹی آئی سے مذاکرات کی سخت مخالفت کی تھی، اکثر اتحادیوں نے بلاول بھٹو زرداری کی تجویز کو بہتر سمجھا ہے۔

ذرائع کا کہنا ہے کہ بلاول بھٹو زرداری کے ہمراہ قمر زمان کائرہ اور فیصل کریم کنڈی بھی موجود ہیں۔

یاد رہے کہ گزشتہ دنوں پریس کانفرنس کے دوران جمعیت علماء اسلام کے سربراہ مولانا فضل الرحمان نے عمران خان سے بات چیت کا امکان مسترد کر دیا تھا۔

مولانا فضل الرحمان کا کہنا تھا کہ پاکستانی سیاست اتنی گری نہیں کہ ہم عمران خان سے مذاکرات کریں۔

بشکریہ جنگ