بشریٰ بی بی کی درج مقدمات اور انکوائریز کی تفصیلات کیلئے درخواست سماعت کیلئے مقرر
لاہور ہائی کورٹ نے سابق چیئرمین پی ٹی آئی کی اہلیہ بشریٰ بی بی کی درج مقدمات اور انکوائریز کی تفصیلات لینے کے لیے دائر کی گئی درخواست سماعت کے لیے مقرر کر دی۔
بشریٰ بی بی کی درخواست پر جسٹس شہرام سرور چوہدری کی سربراہی میں 2 رکنی بینچ 11 دسمبر کو سماعت کرے گا۔
سابق خاتونِ اوّل بشریٰ بی بی نے درج مقدمات کی تفصیلات لینے کے لیے ہائی کورٹ سے رجوع کر رکھا ہے۔
درخواست میں مؤقف اپنایا گیا ہے کہ بانی چیئرمین پی ٹی آئی کو وزیرِ اعظم کے عہدے سے ہٹانے کے بعد مقدمات درج کیے جا رہے ہیں۔
بشریٰ بی بی کی جانب سے درخواست میں مؤقف اختیار کیا گیا ہے کہ میرے خلاف درج مقدمات اور انکوائریز کی تفصیلات فراہم نہیں کی جا رہیں۔
بشکریہ جنگ
Comments are closed.