برطانیہ میں غیرقانونی طریقے سے داخل ہونے والوں سے نمٹنے کیلئے بل پیش

برطانیہ میں غیر قانونی طریقے سے داخل ہونے والوں سے نمٹنے کیلئے بل پیش کردیا گیا ہے۔ 

لندن میں ہوم سیکریٹری سویلا بریورمین نے یہ بل پیش کیا۔ سویلا بریورمین نے اس موقع پر کہا کہ چھوٹی کشتیوں پر برطانیہ پہنچنے والوں کو فوری طور پر دوسرے ملک بھیجا جائے گا۔ غیر قانونی افراد کو 28 روز تک بغیر ضمانت حراست میں رکھا جاسکے گا۔ 

انہوں نے مزید کہا کہ 18 برس سے کم اور طبی طور پر پرواز کیلئے نااہل افراد اپیل کرسکیں گے۔ 

 سویلا بریورمین نے کہا کہ چھوٹی کشتیوں کو روکنے کیلئے 700 افراد پر مشتمل نیا عملہ بھرتی کیا جائے گا۔ اسمگلرز گینگز سے نمٹنے کیلئے این سی اے کی فنڈنگ ڈبل کی جائے گی۔ 

میڈیا رپورٹ کے مطابق لیبر لیڈر سر کیئر اسٹارمر نے منصوبہ ناقابل عمل قرار دے دیا۔

بشکریہ جنگ