برطانیہ میں داخلے کی ڈیڈ لائن قریب، اسلام اباد ایئرپورٹ پر غیرمعمولی رش

برطانیہ میں داخلے کی ڈیڈ لائن قریب آنے پر اسلام آباد ائیرپورٹ پر رش غیرمعمولی طور پر بڑھ گیا۔

ناقص پلاننگ کے باعث پی آئی اے کی 8 پروازیں بیک وقت روانہ ہورہی ہیں، 8 بین الاقوامی پروازوں پر تقریباً 3 ہزار افراد روانہ ہوں گے۔

بورڈنگ کاؤنٹرز پر مسافروں کی لمبی قطاریں لگ گئیں۔

پی آئی اے اور ایئرپورٹ کے ناکافی عملے کے سبب مسافروں کو مشکلات کا سامنا پڑ رہا ہے، ممکنہ رش کا علم ہونے کے باوجود اضافی اسٹاف طلب نہیں کیا گیا۔

مسافروں کی جانب سے  پی آئی اے اسٹاف کی طرف من پسند افراد کو بورڈنگ پاسزجاری کرنے کی شکایات سامنے آئی ہے۔

بشکریہ جنگ