برطانیہ: شدید گرمی، دریاؤں اور جھیلوں میں ڈوب کر 4 افراد ہلاک
برطانیہ میں آج تاریخ کے گرم ترین دن کی پیش گوئی پر ملک بھر میں ہنگامی حالت کا اعلان کیا گیا ہے۔
اُدھر لندن میں گرمی سے بچنے کی کوششوں میں دریاؤں اور جھیلوں میں ڈوب کر 4 افراد ہلاک ہو گئے۔
برطانوی میڈیا کے مطابق یورپ میں ریکارڈ توڑ گرمی کی لہر جاری ہے، برطانیہ میں درجۂ حرارت 42 ڈگری سینٹی گریڈ تک جا سکتا ہے۔
برطانوی میڈیا کا کہنا ہے کہ مشرقی انگلینڈ کے شہر سفولک میں پیر کو درجۂ حرارت 38.1 ڈگری سینٹی گریڈ تھا۔
برطانوی میڈیا نے بتایا ہے کہ ریلوے نے آج شدید گرمی سے متاثرہ علاقوں میں سروس کی معطلی کا اعلان کیا ہے۔
لندن اور مانچسٹر کے درمیان پھیلے علاقے میں انتہائی گرمی کا انتباہ جاری کیا گیا ہے۔
دوسری جانب فرانس، پرتگال اور اسپین سمیت یورپ کے بیشتر علاقے بھی شدید گرمی کی لپیٹ میں ہیں۔
برطانوی میڈیا نے یہ بھی بتایا ہے کہ ماہرین کی جانب سے موسمیاتی تبدیلیوں کے سبب مستقبل میں اکثر شدید موسم کی پیش گوئی کی گئی ہے۔
Comments are closed.