بدین، ٹھٹھہ میں شدید حبس کے بعد گرج چمک کے ساتھ بارش

بدین، ٹھٹھہ، عمر کوٹ سمیت سندھ کے ساحلی علاقوں میں شدید گرمی اور حبس کےبعد گزشتہ رات گرج چمک کے ساتھ بارش ہوئی ۔

ذرائع کے مطابق طوفانی بارش کے باعث فصلوں کو بھی نقصان پہنچا ہے، بارش شروع ہوتے ہی متعدد علاقوں میں بجلی کی فراہمی بھی معطل ہو گئی۔

محکمہ موسمیات نے خبردار کیا ہے کہ طوفانی بارشیں کراچی میں اربن فلڈنگ کاباعث بن سکتی ہیں

بلوچستان کے ضلع لسبیلہ میں طوفان کے پیش نظر ماہی گیروں کو گہرے سمندر میں جانے سے روک دیا گیا ہے۔

ڈام ، سونمیانی ، کنڈ ملیر سمیت ساحلی علاقوں میں ریلیف سینٹرز قائم کئے جا رہے ہیں۔

بشکریہ جنگ