بدھ کو ڈاکٹرز کی جانب سے سرجری کی جائے گی، شفقت محمود

پاکستان تحریک انصاف ( پی ٹی آئی ) کے رہنما شفقت محمود کی صحت سے متعلق پیش رفت سامنے آگئی ہے۔

اپنے بیان میں شفقت محمود نے کہا کہ میڈیکل رپورٹس اور چیک اپ میں پتے میں سوجن سامنے آئی ہے، بدھ کو ڈاکٹرز کی جانب سے سرجری کی جائے گی۔

 پی ٹی آئی رہنما نے کہا کہ  بیماری پر خیرخواہی کے پیغامات بھیجنے والوں کا شکریہ ادا کرتا ہوں۔

واضح رہے کہ پاکستان تحریک انصاف (پی ٹی آئی)  کے رہنما اور سابق وفاقی وزیر شفقت محمود کو طبیعت ناساز ہونے پر  گذشتہ روز نجی اسپتال میں داخل کروایا گیا تھا۔

فیملی ذرائع کا کہنا تھا کہ شفقت محمود کو لبلبے کی تکلیف کے باعث لاہور کے نجی اسپتال میں داخل کروایا گیا۔

بشکریہ جنگ