بدھ مت کے پیروکار پاکستانی کی کوششوں کے گن گانے لگے

دنیا بھر کے بدھ مت کے پیروکاروں پاکستان کی کوششوں کے گن گانے لگے۔

مذہبی ہم آہنگی کے فروغ اور تاریخی ورثے گندھارا تہذیب کو محفوظ کرنے کی کوششوں پر دنیا بھر سے بدھ مت کے پیروکار پاکستان کے معترف ہوگئے۔

اسلام آباد میں گندھارا تہذیب پر بین الاقوامی سمپوزیم ہوا، جس میں جنوبی کوریا، ملائیشیا، چین، تھائی لینڈ، میانمار، ویت نام اور سری لنکا سے مندوبین شریک ہوئے۔

شرکاء نے اس موقع پر کہا کہ کانفرنس کے انعقاد سے مذہبی ورثے کی حفاظت میں مدد ملے گی، پاکستان کو دنیا کے ممالک کے مزید قریب آنے کا موقع ملا ہے۔

سمپوزیم سے خطاب میں صدر ڈاکٹر عارف علوی نے کہا کہ بدھا کا پیغام امن ہے، تہذیبوں کو تنازعات سے ہٹ کر امن کی طرف جانے ضرورت ہے۔

چیئرمین وزیراعظم شہباز شریف ٹاسک فورس گندھارا ٹورازم ڈاکٹر رمیش کمار نے کہا کہ ثقافتی سیاحت کے ذریعے پاکستان کا مثبت تشخص اُجاگر ہوگا۔

بشکریہ جنگ