بدزبان وزیر نے بھٹو صاحب کو غدار کہا: مولا بخش چانڈیو

پاکستان پیپلز پارٹی کے سینیٹر مولا بخش چانڈیو کا کہنا ہے کہ کل اس بدزبان حکومت کے بدزبان وزیر نے بھٹو صاحب کو غدار کہا۔

آزاد کشمیر میں تقریر کے دوران ذوالفقار علی بھٹو کو غدار اور نوازشریف کو ڈاکو قرار دے دیا۔

سینیٹ اجلاس میں پاکستان پیپلز پارٹی کے سینیٹر مولا بخش چانڈیو نے علی امین گنڈا پور کے بیان کی مذمت کی اور کہا کہ یہ تصادم کی نئی راہ کھول رہے ہیں۔

مسلم لیگ نون کے سینیٹر اعظم نذیر تارڑ نے سینیٹ کے اجلاس میں کہا کہ وزیر نے جو زبان ذوالفقار علی بھٹو، نواز شریف اور مریم نواز کے لیے استعمال کی اس پر انہیں شرم آنی چاہیئے۔

حیدر آباد میں میڈیا سے گفتگو کرتے ہوئے مولا بخش چانڈیو نے کہا کہ پیپلز پارٹی اکیلے مارشل لاء سے لڑی ہے، اس بار سیاسی پارٹیوں کے طریقے کار سے مشکلات لگ رہی ہیں۔

اعظم نذیر تارڑ کا یہ بھی کہنا ہے کہ ہم سمجھتے ہیں ان کا اس سسٹم کا حصہ رہنا شرم ناک ہے۔

بشکریہ جنگ