بختاور بھٹو نے والدین کی شادی کی یاد تازہ کردی
پاکستان کی سابقہ وزیراعظم بینظیر بھٹو اور سابق صدر آصف علی زرداری کی بیٹی بختاور بھٹو زرداری نے والدین کی شادی کی سالگرہ پر ایک پُرانی یاد تازہ کی ہے۔
بختاور بھٹو زرداری نے اپنے انسٹاگرام اکاؤنٹ پر اپنی شادی کا کارڈ شیئر کیا جس میں بینظیر بھٹو اور آصف علی زرداری کی شادی کی تصویر چسپاں تھیں۔
بختاور بھٹو نے اپنی پوسٹ میں یہ بھی لکھا کہ ’18 دسمبر 1987 کو لی گئی میرے والدین کی شادی کی تصویر، جسے میں نے اپنی شادی کے کارڈ پر انہیں خراج تحسین پیش کرنے کے لیے استعمال کیا۔
خیال رہے کہ آصف زرداری اور بینظیر بھٹو کی منگنی 29جولائی 1987ء کو لندن میں ہوئی، اس خبر کی دنیا کے تمام ہی ذرائع ابلاغ میں نمایاں طور پر تشہیر ملی۔
لندن میں بینظیر بھٹو کی بہن صنم بھٹو کے فلیٹ میں منگنی کی تقریب کے تقریباً پانچ ماہ بعد 18دسمبر 1987 کو آصف زرداری اور بینظیر بھٹو کی یادگار شادی کراچی میں ہوئی تھی۔
Comments are closed.