بجلی کے بنیادی ٹیرف میں1 روپیہ 68 پیسے فی یونٹ کا اضافہ منظور

نیشنل الیکٹرک پاور ریگولیٹری اتھارٹی(نیپرا) نے بجلی قیمت میں 1 روپیہ 68 پیسے فی یونٹ اضافے کی منظوری دے دی۔

بجلی قیمت کے اضافہ بنیادی ٹیرف میں کیا گیا، جس کا اطلاق کےالیکٹرک سمیت ملک بھر کے لیے ہوگا۔

نیپرا حکام کے مطابق بجلی پر 1روپیہ 68 پیسے فی یونٹ اضافے کا اطلاق یکم نومبر 2021ء سے ہوگا۔

حکام کے مطابق ماہانہ 200 یونٹ تک بجلی استعمال کرنے والے گھریلو صارفین کےلیے بجلی مہنگی نہیں ہوگی۔

نیپرا حکام کے مطابق 200 سے زائد یونٹ کے استعمال پر گھریلو صارفین کے لئے بجلی 1روپے 68 پیسے مہنگی ہوگی۔

حکام کے مطابق کمرشل، صنعتوں اور باقی شعبوں کے لیے بجلی کی قیمت میں فی یونٹ 1 روپیہ 39 پیسے کا اضافہ ہوگا۔

بشکریہ جنگ