بجلی چوروں کے خلاف ایکشن میں تیزی

ملک بھر میں بجلی چوروں کے خلاف کارروائیاں تیز کردی گئیں۔

سیکریٹری پاور ڈویژن راشد لنگڑیال کا کہنا ہے کہ بجلی چوروں سے ریکوری کی رقم 1 ارب 74 کروڑ 80 لاکھ روپے تک پہنچ گئی ہے۔

 اس حوالے سے انہوں نے بتایا ہے کہ بجلی چوروں کے خلاف 5 ہزار 193 ایف آئی آرز درج کرائی جاچکی ہیں۔

راشد لنگڑیال کے مطابق گزشتہ 2 دن میں90 کروڑ روپے کی ریکوری کی گئی اور بجلی چوری کے خلاف مہم میں 560 بجلی چوروں کو گرفتار کیا جاچکا ہے۔

بشکریہ جنگ