بانی پاکستان کا یوم پیدائش آج منایا جارہا ہے

بانی پاکستان قائد اعظم محمد علی جناح کا ایک سو سینتالیس واں یوم پیدائش آج منایا جارہا ہے۔

ملک بھر میں عام تعطیل ہے، آج صبح مزار قائد پر گارڈز کی تبدیلی کی پر وقار تقریب منعقد ہوگی۔

پاکستان ملٹری اکیڈمی (کاکول) کا چاق و چوبند دستہ گارڈز کے فرائض سنبھالے گا۔

وزیراعظم انوار الحق کاکڑ نے اپنے پیغام میں کہا کہ قائداعظم محمد علی جناح آج بھی ہم سب کے لیے مشعل راہ ہیں۔

ان کا کہنا تھا کہ قائداعظم کو خراج عقیدت پیش کرنے کا بہترین طریقہ ان کے اصولوں پر عمل ہے۔

بشکریہ جنگ