باجوڑ دھماکے کے زخمیوں کی جلد صحت یابی کیلئے دعا گو ہوں، عبدالغفور حیدری

سینیٹر مولانا عبدالغفور حیدری نے باجوڑ دھماکے کی مذمت کرتے ہوئے کہا کہ زخمیوں کی جلد صحت یابی کیلئے دعا گو ہوں۔

خیبر پختونخوا کے ضلع باجوڑ کے صدر مقام خار میں جمیعت علما اسلام کے ورکرز کنونشن میں دھماکا ہوا ہے، جس میں 30 افراد جاں بحق اور متعدد زخمی ہوگئے ہیں۔

ذرائع کا کہنا ہے کہ دھماکے میں متعدد افراد زخمی ہوئے ہیں، جنہیں اسپتال منتقل کردیا گیا ہے۔

اس حوالے سے مولانا عبدالغفور حیدری نے کہا کہ سوچے سمجھے منصوبے کے تحت ملک کےحالات خراب کیے جا رہے ہیں۔

سینیٹر عبدالغفور حیدری نے مزید کہا کہ جمیعت علما اسلام ایک پُرامن جماعت ہے، ہم نے ہمیشہ پُر امن سیاسی جہدوجہد کا راستہ اپنایا ہے۔

بشکریہ جنگ