بابر ورلڈ کلاس کھلاڑی ہے، پورے پاکستان کا فیورٹ ہے، شاہین آفریدی

لاہور قلندرز کے کپتان شاہین شاہ آفریدی نے بابر اعظم سے متعلق کہا ہے کہ وہ ایک ورلڈ کلاس کھلاڑی ہے، وہ پورے پاکستان کا فیورٹ ہے۔ 

لاہور میں پریس کانفرنس کرتے ہوئے شاہین آفریدی کا کہنا تھا کہ جو بھی کرکٹ کے فینز ہیں انہیں بابر اعظم پسند ہے۔ 

شاہین شاہ آفریدی کا کہنا تھا کہ میں جب بھی نیٹ پر بابر اور رضوان کو بولنگ کرتا ہوں تو مزہ آتا ہے، انہیں بولنگ کرنا چیلنجنگ ہوتا ہے۔ 

ان کا یہ بھی کہنا تھا کہ بابر اعظم سے متعلق تو کوچز بھی یہی سکھاتے ہیں کہ کوور ڈرائیو کیسے ہوتی ہے۔

انہوں نے کہا کہ پی ایس ایل 8 اچھا جا رہا ہے، ہوم گراؤنڈ پر کھیلنے کے لیے پُرجوش ہیں۔

انہوں نے کہا کہ جیسے ماضی میں یہاں کھیلے ویسے ہی شروعات کریں گے، اپنی بیٹنگ کو مزید مضبوط کریں گے۔

ان کا کہنا تھا کہ ابھی تین میچز ہوئے ہیں ہم نے اب تک اچھے رنز کیے۔ 

ایک سوال کے جواب میں کپتان لاہور قلندرز نے کہا کہ ہیری بروک کا علم تھا کہ وہ دستیاب نہیں ہوں گے۔

بشکریہ جنگ