بابر اعظم کی سیلاب متاثرین کی مدد کی اپیل

پاکستان کرکٹ ٹیم کے کپتان بابر اعظم نے سیلاب متاثرین کی مدد کی اپیل کی ہے۔

دبئی سے جاری بیان میں بابر اعظم نے کہا کہ پاکستان کے مختلف علاقوں میں سیلاب سے متاثرہ افراد کے لیے دعاگو ہوں۔

انہوں نے کہا کہ یہ وہ لمحہ ہے جب ہم سب کو ایک قوم کی حیثیت سے سیلاب متاثرین کی مدد کے لیے کھڑے ہونا ہے۔

قومی ٹیم کے کپتان نے مزید کہا کہ جتنا ممکن ہو سکے ہمیں سیلاب سے متاثرہ لوگوں کی مدد کرنی چاہیے، آگے بڑھیں اور ان افراد کے لیے اپنی طرف سے بہت اچھا کریں۔

بشکریہ جنگ