بابر اعظم کی سنچری، ایک اور سنگ میل عبور

پاکستانی بیٹر بابر اعظم نے پاکستان سپر لیگ (پی ایس ایل) 8 میں کوئٹہ گلیڈی ایٹرز کے خلاف میچ میں ایک اور سنگ میل عبور کرلیا۔

بابر اعظم ٹی 20 کرکٹ میں سب سے زیادہ سنچری بنانے والوں کی فہرست میں مشترکہ طور پر دوسرے نمبر پر آگئے ہیں۔

پشاور زلمی کے کپتان بابر اعظم اور اوپننگ بیٹر صائم ایوب نے پاکستان سپر لیگ (پی ایس ایل) کی تاریخ کی دوسری بڑی شراکت قائم کردی۔

بابر اعظم نے کوئٹہ گلیڈی ایٹرز کے خلاف میچ میں صائم ایوب کے ساتھ پہلی وکٹ پر 162 رنز کی شراکت قائم کی، انہوں نے اس میچ میں ٹی 20 کرکٹ میں اپنی 8ویں سنچری بنائی۔

بابر اعظم ٹی 20 کرکٹ میں 8 سنچریاں بنانے والے ڈیوڈ وارنر، ایرون فنچ اور مائیکل کلنگز کی فہرست میں شامل ہوگئے ہیں۔

بابر اعظم سمیت ان 4 انٹرنیشنل کرکٹ سے بھی زیادہ ٹی 20 سنچریاں کرس گیل کی ہے، جنہوں نے دوران کیریئر 22 ٹی ٹوئنٹی سنچریاں بنا رکھی ہیں۔

پشاور زلمی کے کپتان کی پی ایس ایل میں یہ پہلی سنچری ہے، انہوں نے 26 نصف سنچریوں کے بعد پہلی سنچری بنائی۔

بشکریہ جنگ