بابر اعظم اور شاہین آفریدی سمیت کئی پاکستانی کرکٹرز سے BPL ٹیموں کے رابطے

پاکستان کرکٹ ٹیموں کے کئی کھلاڑیوں سے بنگلادیش پریمیئر لیگ کی ٹیموں نے رابطے کیے ہیں جس کے بعد لیگ میں پاکستانی کرکٹرز کو شائقین ایکشن میں دیکھ سکیں گے۔

ذرائع کے مطابق موجودہ پاکستان کرکٹ ٹیم کے اسکواڈ کے کئی کھلاڑیوں کے ساتھ بی پی ایل ٹیموں نے رابطے  کیے ہیں۔

ذرائع کا کہنا ہے کہ فاسٹ بولر شاہین شاہ آفریدی، حارث روف، محمد نواز، وسیم جونیئر اور شاہنواز دھانی سمیت کئی کھلاڑیوں سے رابطے کیے گئے ہیں۔

ذرائع کے مطابق لیگ میں چند میچز کی دستیابی کے لیے کپتان بابر اعظم سے بھی رابطہ کیا گیا ہے۔

ذرائع کا کہنا ہے کہ قومی کرکٹرز کو پاکستان کرکٹ بورڈ سے این او سی کے حصول میں مشکل نہیں ہوگی۔

ذرائع کے مطابق پاکستان اور نیوزی لینڈ کے درمیان ون ڈے سیریز 15 جنوری کو اختتام پذیر ہوگی، پاکستان سپر لیگ (پی ایس ایل) تک کوئی انٹرنیشنل سیریز نہ ہونے کی وجہ سے پی سی بی کرکٹرز کو این او سی دے دے گا۔

بھارتی ٹیم کے سابق بیٹر گوتم گمبھیر نے ویرات کوہلی پر طعنہ مارتے ہوئے کہا کہ رنز وہ نہیں بنانا جس سے آپ کا ریکارڈ بنے۔

ذرائع کا یہ بھی کہنا ہے کہ آئندہ برس جنوری میں ویسٹ انڈیز کے خلاف ٹی ٹوئنٹی سیریز ملتوی کرنے کا فیصلہ کیا جاچکا ہے، دونوں بورڈز سیریز ملتوی کرنے پر باہمی طور پر رضا مند ہیں۔

تین ٹی ٹوئنٹی میچز کی سیریز اب 2024ء میں ٹیسٹ سیریز کے ساتھ کھیلی جائے گی۔

بشکریہ جنگ