بابر اعظم اور حارث رؤف میں دلچسپ مکالمہ
پاکستان سپر لیگ (پی ایس ایل) فرنچائز لاہور قلندرز کے فاسٹ بولر حارث رؤف اور پشاور زلمی کے کپتان بابر اعظم کے درمیان دلچسپ مکالمہ سامنے آیا ہے۔
قذافی اسٹیڈیم لاہور میں آج ایچ بی ایل پی ایس ایل 8 کے سلسلے میں دونوں ٹیمیں مدمقابل ہونگی۔
کرکٹ کے میدان میں معرکہ آرائی سے قبل لاہور قلندرز اور پشاور زلمی کے دو اہم کھلاڑیوں کے درمیان دلچسپ مکالمہ ہوا ہے۔
بابر اعظم کے ساتھ گفتگو میں حارث رؤف نے کہا کہ میں نے آپ کو آؤٹ کرنا ہے۔
انہوں نے مزید کہا کہ آپ کے علاوہ ویرات کوہلی اور کین ولیمسن کو بھی آؤٹ کرنے کی خواہش رکھتا ہوں۔
اس پر بابر اعظم نے کہا کہ آپ مجھے نیٹ پر آؤٹ کر تو چکے ہیں۔
حارث رؤف نے مزید کہا کہ مجھے میچ میں وکٹ لینی ہے، آپ اور ویرات کوہلی مجھ سے بچے ہوئے ہیں۔
انہوں نے یہ بھی کہا کہ کین ولیمسن سلپ میں 2 مرتبہ مجھ سے بچ چکے ہیں۔
بشکریہ جنگ
Comments are closed.