ایک مرتبہ پھر ٹرافی پشتون اسکواش ہیروز کی وجہ سے واپس آگئی، ریحام خان

پاکستان تحریک انصاف (پی ٹی آئی) چیئرمین کی سابقہ اہلیہ ریحام خان نے ورلڈ جونیئر اسکواش چیمپئن شپ جیتنے پر خوشی کا اظہار کیا ہے۔

اپنے ٹوئٹر پیغام میں ریحام خان نے کہا کہ ایک مرتبہ پھر ٹرافی پشتون اسکواش ہیروز کی وجہ سے واپس آئی ہے۔

ریحام خان نے مزید کہا کہ ورلڈ جونیئر اسکواش چیمپئن شپ جیتنے والے حمزہ خان بھی جہانگیر خان اور جان شیر خان کے نقش قدم پر ہیں۔

جہانگیر خان نے یہ بھی کہا کہ ماضی میں پاکستان اسکواش میں اپنی ایک پوزیشن رکھتا تھا، ہم لوگ جس معیار پر کھیلا کرتے تھے پاکستان کو اُس طرح کی فتوحات کا سلسلہ جاری رکھنا چاہیے تھا۔

واضح  رہے کہ پاکستان کے حمزہ خان مصر کے کھلاڑی کو ہرا کر ورلڈ جونیئر اسکواش چیمپئن بن گئے۔ حمزہ نے فائنل میچ میں مصر کے محمد زکریا کو 1-3 سے شکست دی۔

37 سال بعد کوئی پاکستانی کھلاڑی ورلڈ جونیئر اسکواش چیمپئن شپ جیتنے میں کامیاب ہوا ہے۔

اس سے قبل 1986ء میں جان شیر خان نے یہ ٹائٹل جیتا تھا۔

بشکریہ جنگ