ایک بال ملے یا 50 اوور صورتحال کے مطابق کھیلنا ہوتا ہے، افتخار احمد

پاکستان کرکٹ ٹیم کے مڈل آرڈر بیٹر افتخار احمد کا کہنا ہے کہ انٹرنیشنل کرکٹ میں ایک بال ملے یا پچاس اوور صورتحال کے مطابق کھیلنا ہوتا ہے۔

کراچی میں کھیلے گئے سیریز کے آخری ون ڈے میں نیوزی لینڈ کے ہاتھوں شکست کے بعد جیو نیوز سے گفتگو کرتے ہوئے بیٹر افتخار احمد نے کہا کہ غلطی کرکے وکٹیں گنوائیں ورنہ میچ جیت سکتے تھے۔

افتخار احمد نے کہا کہ اُوپر کے پلیئرز جلد آؤٹ ہوجائیں تو بعد میں مشکل ہوجاتی ہے، حارث بدقسمتی سے رن آؤٹ ہوگیا ورنہ آخر تک لے جاتے۔

انہوں نے کہا کہ وائٹ بال میں دس یا بارہ کا اوسط آخری اوورز میں مشکل نہیں ہوتا ہے، ایک طرف کی ہوا چل رہی تھی اگر آخر تک جاتے تو آرام سے جیت جاتے۔

افتخار کا کہنا تھا کہ انٹرنیشنل کرکٹ میں ہمیشہ چھ، سات اور آخر کے نمبروں پر بیٹنگ کی۔

ان کا مزید کہنا تھا کہ لسٹ اے میں میرا ریکارڈ دنیا کے بہترین پلیئرز کے ساتھ آتا ہے۔

بشکریہ جنگ