این اے 57 سے شیخ رشید اور بھتیجے کے کاغذات نامزدگی مسترد

راولپنڈی میں قومی اسمبلی کے حلقے این اے 57 سے سابق وزیر داخلہ شیخ رشید اور ان کے بھتیجے راشد شفیق کے کاغذات نامزدگی مسترد کردیے گئے۔

قومی اسمبلی کے حلقے این اے 57 سے مسلم لیگ ن کے چوہدری دانیال کے کاغذات نامزدگی منظور کرلیے گئے، جبکہ مسلم لیگ ن کے سجاد خان کے کاغذات نامزدگی بھی این اے 57 سے منظور ہوگئے۔

مسلم لیگ ن کے رہنما میاں نصیر نے کاغذات نامزدگی پر اعتراض کیا تھا۔

راولپنڈی کے حلقے این اے 57 سے پاکستان تحریک انصاف (پی ٹی آئی) کے چوہدری عدنان کے کاغذات نامزدگی منظور کرلیے گئے، این اے 57 سے پیپلز پارٹی کے مختار عباس کے کاغذات نامزدگی بھی منظور ہوگئے۔

قومی اسمبلی کے حلقے این اے 57 راولپنڈی سے 30 امیدواروں کے کاغذات نامزدگی منظور کیے گئے۔

بشکریہ جنگ