این اے 242 کراچی: شہباز شریف کے کاغذات نامزدگی درست قرار
کراچی میں قومی اسمبلی کے حلقہ این اے 242 سے ضلع کیماڑی سے شہباز شریف کے کاغذات نامزدگی کی جانچ پڑتال مکمل ہوگئی ہے۔
پاکستان مسلم لیگ (ن) کے رہنما نہال ہاشمی کا کہنا ہے کہ ریٹرننگ افسر نے شہباز شریف کے کاغذات درست قرار دے دیے ہیں۔
ریٹرننگ افسر نے آج تک کیلئے شہباز شریف کے کاغذات پر فیصلہ محفوظ کیا تھا، شہباز شریف کے کاغذات نامزدگی پر اعتراضات امیدوار مسعود خان مندوخیل نے دائر کیے تھے۔
مسعود مندوخیل پیپلز پارٹی کے امیدوار ہیں، ان کی جانب سے کاغذات نامزدگی پر اعتراض دائر کیا گیا تھا کہ شہباز شریف نے وزیراعظم کی حیثیت سے تنخواہ اور مراعات لینے کا ذکر نہیں کیا۔
حلف نامے میں بیرون ملک جائیداد اور بیوی بچوں کو قرض دینے کا منی ٹریل نہیں دیا، وزیراعظم کے عہدے کے دوران 5 کمپنیوں سے لاتعلق رہے یا نہیں، کوئی ذکر نہیں کیا۔
بشکریہ جنگ
Comments are closed.