این آر اے کے سربراہ وین لا پیے مستعفی ہوگئے

امریکا کی بااثر نیشنل رائفل ایسوسی ایشن (این آر اے) کے سربراہ وین لا پیے مستعفی ہوگئے۔

امریکی میڈیا کے مطابق این آر اے کے چیف ایگزیکٹو کو مین ہٹن میں کرپشن کے الزامات کا سامنا ہے، وہ  30 برس سے این آر اے کے چیف ایگزیکٹو تھے۔

کرپشن اسکینڈل میں ملوث وین نے استعفے کی وجہ طبی بتائی ہے۔

امریکی میڈیا کا کہنا ہے کہ ڈیڑھ سو برس سے قائم این آر اے امریکا کے الیکشنز میں انتہائی اہم کردار ادا کرتی ہے۔

این آر اے کے مستعفی چیف ایگزیکٹو کیخلاف مقدمہ پیر سے چلے گا۔

بشکریہ جنگ