اینڈرائیڈ صارفین کیلئے بھی iOS جیسی واٹس ایپ اپڈیٹ آنے کیلئے تیار

دنیا کی سب سے زیادہ استعمال ہونے والی میسجنگ ایپس میں سے ایک واٹس ایپ مختلف آپریٹنگ سسٹمز پر بگز کو ختم کرنے اور نئے فیچرز متعارف کروانے کے لیے باقاعدگی کی ساتھ ایپ کو اپڈیٹ کرتا رہتا ہے۔

ایسے میں اس نے کئی ماہ قبل آئی فون آپریٹنگ سسٹم (آئی او ایس) کے صارفین کے لیے واٹس ایپ پر ایک فیچر متعارف کروایا تھا جس کی مدد سے تصاویر کو بلر (دھندلا) کیا جاسکتا ہے۔

ویسے تو واٹس ایپ آئی او ایس، اینڈرائیڈ اور ونڈوز کے لیے ایک ہی طرح کی اپڈیٹس دیتا ہے، لیکن آئی فونز میں جو فیچرز موجود ہیں وہ دیگر آپریٹنگ سسٹمز کے لیے نہیں ہیں۔

واٹس ایپ نے اپنے ڈیسک ٹاپ اور ویب کلائنٹ کی سیکیورٹی میں مزید اضافے کا فیصلہ کرتے ہوئے نئی اپڈیٹ متعارف کروادی ہے۔

تاہم اب اس حوالے سے ایک ٹیکنالوجی ویب سائٹ کا کہنا ہے کہ واٹس ایپ نے یہ فیچر اپنے اینڈرائیڈ صارفین کے لیے بھی لانے کا فیصلہ کیا ہے۔

اس کے لیے فیس بک کی ایپ واٹس ایپ اپنے صارفین کے لیے جلد نئی بیٹا اپڈیٹ جاری کرنے جارہی ہے، اس اپڈیٹ کے بعد اس ایپلیکیشن کا ورژن بڑھ کر 2.22.7.1 ہوجائے گا۔

اسی نئے ورژن میں واٹس ایپ پر بھیجی جانے والی تصاویر کو بلر کرنے کے آپشن کو تجرباتی طور پر استعمال کیا جائے گا۔

اس اپڈیٹ کے بعد صارفین کے پاس ایڈیٹنگ کے لیے ایک پینسل کے علاوہ بھی نئی پینسل آپشن میں شامل ہوجائے گی، جو بلر کرنے کا کام کرے گی۔

بشکریہ جنگ