اینٹی کرپشن کیس، پرویز الہٰی کی ڈسچارج کرنے کا فیصلہ برقرار رکھنے کی استدعا
سابق وزیرِ اعلیٰ پنجاب پرویز الہٰی کی جانب سے لاہور ہائی کورٹ میں اینٹی کرپشن کیس میں ڈسچارج کرنے کا فیصلہ برقرار رکھنے کی استدعا کی گئی ہے۔
لاہور ہائی کورٹ میں اینٹی کرپشن کے مقدمے میں پرویز الہٰی کو ڈسچارج کرنے کا فیصلہ کالعدم قرار دینے کے خلاف اپیل پر جسٹس شہرام سرور کی سربراہی میں 2 رکنی بینچ نے سماعت کی۔
عدالت نے آئندہ سماعت پر ایڈووکیٹ جنرل کو معاونت کے لیے طلب کرتے ہوئے پرویز الہٰی کی انٹرا کورٹ اپیل پر کارروائی آئندہ ہفتے تک ملتوی کر دی۔
دورانِ سماعت عدالت میں پرویز الہٰی کے وکیل نے مؤقف اختیار کیا کہ پرویز الہٰی کو گوجرانوالہ کے مجسٹریٹ نے اینٹی کرپشن کے مقدمے سے ڈسچارج کرنے کا حکم دیا ہے، پنجاب حکومت نے جوڈیشل مجسٹریٹ کے فیصلے کے خلاف لاہور ہائی کورٹ سے رجوع کیا ہے۔
وکیلِ صفائی نے مؤقف اپنایا ہے کہا کہ سنگل بینچ نے جوڈیشل مجسٹریٹ کی جانب سے پرویز الہٰی کو ڈسچارج کرنے کا فیصلہ کالعدم قرار دیا، سنگل بینچ کا فیصلہ حقائق کے بر عکس ہے۔
پرویز الہٰی کے وکیل نے عدالت سے ستدعا کی کہ عدالت سنگل بینچ کا فیصلہ کالعدم قرار دے اور پرویز الہٰی کو اینٹی کرپشن کے کیس میں ڈسچارج کرنے کا فیصلہ برقرار رکھے۔
Comments are closed.