ایم کیو ایم کو سندھ میں گورنر شپ میں دلچسپی نہیں، فیصل سبزواری

ایم کیو ایم کے رہنما سینیٹر فیصل سبزواری کا کہنا ہے کہ ایم کیو ایم فی الحال سندھ کابینہ کا حصہ نہیں بنے گی اور نہ ہی اسے سندھ کی گورنر شپ میں دلچسپی ہے۔

ان خیالات کا اظہار ایم کیو ایم کے رہنما سینیٹر فیصل سبزواری نے جنگ سے گفتگو کرتے ہوئے کیا۔

پوچھے گئے یک سوال پر کہ ’کیا سندھ میں بلدیات، تعلیم اور صحت کی وزارتوں اور گورنر شپ کے حوالے سے معاملات طے ہوگئے ہیں؟‘

اس کا جواب دیتے ہوئےانہوں نے کہا کہ ابھی اس حوالے سے کچھ فائنل نہیں ہوا ہے، ہمارے رہنماؤں کی اکثریت چاہتی ہے کہ وفاق اور صوبوں میں وزارتیں نہ لی جائیں بلکہ ایم کیو ایم سے جو وعدے اور معاہدے کیے گئے ان کو پورا کیا جائے۔

سینیٹر فیصل سبزواری نے مزید کہا کہ ہماری ترجیح اس بات پر ہے کہ ہم سے کیے گئے معاہدے اور وعدے نیک نیتی کے ساتھ پورے کیے جائیں۔

بشکریہ جنگ