ایم کیو ایم کا نشتر اسپتال کی لاشوں میں کارکنان کی لاشیں ہونے کا خدشہ

متحدہ قومی موومنٹ (ایم کیو ایم) پاکستان نے ملتان کے نشتر اسپتال سے ملنے والی لاشوں میں اپنے لاپتہ کارکنان کی لاشیں ہونے کا خدشہ ظاہر کردیا۔

نشتر میڈیکل یونیورسٹی ملتان کے ملازمین غلام عباس، محمد سجاد ناصر اور عبدالرؤف کو بھی معطل کردیا گیا۔

قومی اسمبلی اجلاس میں ایم کیو ایم کی رکن کشور زہرا نے اظہار خیال کرتے ہوئے کہا کہ نشتر اسپتال کی لاشوں کا ایک بڑا معاملہ سامنے آیا مگر ابھی تک کوئی جواب نہیں آیا، تمام لاشوں کا ڈی این اے ٹیسٹ کروایا جائے۔

کشور زہرا نے کہا کہ ہم اپنے لاپتہ افراد کو ڈھونڈ ڈھونڈ کر تھکے تو نہیں مگر مسلسل سر گرداں ہیں، دیکھا جائے کہیں ان لاشوں میں بھی کوئی لاپتہ فرد تو نہیں ہے۔

بشکریہ جنگ