ایم ڈی IMF کی خواہش ہے ہم نویں جائزے پر پیشرفت دکھائیں

وزیر مملکت برائے خزانہ ڈاکٹر عائشہ غوث پاشا نے کہا ہے کہ آئی ایم ایف، ایم ڈی کا پاکستان سے متعلق ہمدردانہ موقف رہا ہے، ان کی خواہش ہے کہ ہم نویں جائزے پر پیشرفت دکھائیں۔

پیرس میں جیو نیوز سے گفتگو میں انہوں نے کہا کہ وقت کم ہے آئی ایم ایف کا پروگرام 30 جون کو ختم ہو رہا ہے، ہماری کوشش ہے کہ نواں جائزہ مکمل ہو اور ہم آگے بڑھیں۔

ڈونلڈ بلوم نے کہا کہ پاک امریکا تجارتی تعلقات میں وقت کے ساتھ اضافہ ہورہا ہے۔

ڈاکٹر عائشہ غوث پاشا نے مزید کہا کہ وزیراعظم کی آئی ایم ایف، ایم ڈی کے ساتھ ملاقات مثبت رہی۔

واضح رہے کہ گزشتہ روز وزیر اعظم شہباز شریف نے فرانس میں ماحولیات سے متعلق کانفرنس میں آئی ایم ایف کی منیجنگ ڈائریکٹر سے ملاقات کی تھی۔

بشکریہ جنگ