ایف بی آر کا گاڑیوں کی عارضی درآمد سے متعلق ایس آر او جاری

فیڈرل بورڈ آف ریونیو (ایف بی آر) نے گاڑیوں کی عارضی درآمد سے متعلق ترمیمی ایس آر او جاری کردیا۔

ایف بی آر اعلامیے کے مطابق نئے قوانین کے تحت ’سیاح‘ کی تعریف کو اپ ڈیٹ کیا گیا ہے۔

پاکستان کسٹمز کمپیوٹرائزڈ نظام کے ذریعے گاڑیوں کی عارضی درآمد سے متعلق معلومات کی نگرانی کرے گا۔

ایف بی آر اعلامیے کے مطابق کسٹمز حکام اس حوالے سے ایف آئی اے کے ساتھ قریبی رابطہ رکھیں گے۔

عارضی طور پر گاڑیاں درآمد کرنے والے سیاحوں کے پاسپورٹ کو کار دستاویزات کے ساتھ منسلک کیا جائے گا۔

ایف بی آر اعلامیے کے مطابق یہ اقدام گاڑیوں کی عارضی درآمد کا غلط استعمال روکنے کےلیے کیا گیا ہے۔

بشکریہ جنگ