ایف آئی اے نے چیئرمین پی ٹی آئی کے وکیل نعیم پنجوتھا کو طلب کرلیا

چیئرمین پاکستان تحریک انصاف (پی ٹی آئی) عمران خان کو تین سال قید کی سزا سنانے والے جج کے خلاف سوشل میڈیا پوسٹ پر وکیل نعیم حیدر پنجوتھا کو ایف آئی اے نے طلب کرلیا۔ 

وکیل نعیم حیدر نے کہا کہ ہائیکورٹ اورسپریم کورٹ کے وکالت نامے پر دستخط کروادیے ہیں کل پٹیشن دائر کریں گے۔

ایف آئی اے سائبر کرائم سرکل نے چیئرمین پی ٹی آئی کے وکیل نعیم حیدر پنجوتھا کو کل صبح 10 بجے ایف آئی اے دفتر طلب کیا ہے۔

ایف آئی اے نوٹس کے مطابق نعیم حیدر کو جج ہمایوں دلاور کے خلاف جعلی سوشل میڈیا پوسٹ لگانے پر طلب کیا گیا ہے۔

نوٹس میں مزید کہا گیا کہ غیر حاضری پر سمجھا جائے گا کہ آپ کے پاس اپنے دفاع میں کہنے کیلئے کچھ نہیں۔

بشکریہ جنگ