ایشین گیمز: باکسنگ ایونٹ، پاکستان کے ذوہیب رشید کوارٹر فائنل میں پہنچ گئے

چین میں جاری ایشین گیمز کے مینز باکسنگ ایونٹ میں پاکستان کے ذوہیب رشید کوارٹر فائنل میں پہنچ گئے۔

ذوہیب رشید نے 51 کے جی کے راؤنڈ آف 16 میں متحدہ عرب امارات (یو اے ای) کے سلطان النومی کو شکست دی۔

پاکستانی باکسر نے اماراتی حریف کو بآسانی 0-5 سے مات دی۔

جیوری کے تمام ریفریز نے ذوہیب رشید کو متفقہ طور پر فاتح قرار دیا۔ ذوہیب کو 51 کے جی کے ڈراز میں پہلے راؤنڈ میں بائی ملی تھی۔

بشکریہ جنگ