ایشین جونیئر ٹیم اسکواش: فائنل میں پاکستان بھارت آمنے سامنے

پاکستان نے ایشین جونیئر ٹیم اسکواش چیمپئن شپ کے فائنل کے لیے کوالیفائی کرلیا۔ فائنل میں پاکستان کا مقابلہ بھارت سے ہوگا۔

سیمی فائنل میں پاکستان نے ملائیشیا کو 0-2 سے شکست دی۔ پاکستان کی جانب سے نور زمان اور اصحاب عرفان نے میچز جیتے۔ 

نور زمان نے دانیال بن جعفری اور اصحاب نے شمیل ہیزاد کو شکست دی۔

ایونٹ کے فائنل میں پاکستان کا مقابلہ روایتی حریف بھارت سے کل ہوگا۔ 

بھارت نے سیمی فائنل میں کوریا کو 0-2 سے شکست دی تھی۔ چیمپئن شپ بھارت کے شہر چنئی میں کھیلی جارہی ہے۔

بشکریہ جنگ