ایشین جونیئر اسکواش چیمپئن شپ: انڈر 13 کے دونوں پاکستانی سیمی فائنل میں

ایشین جونیئر اسکواش چیمپئن شپ انڈر 13 میں پاکستان کے دونوں کھلاڑی سیمی فائنل میں پہنچ گئے۔

انڈر 13 کے اہم میچ میں پاکستان کے احمد رایان خلیل نے بھارت کے اریامن سنگھ کو شکست دی، انہوں نے بھارتی حریف کے خلاف میچ  1-3 سے جیتا۔

پاکستانی پلیئر کو پہلے گیم میں شکست کا سامنا کرنا پڑا تھا لیکن انہوں نے کم بیک کرتے ہوئے 3 مسلسل گیمز جیتے۔

دوسری طرف نعمان خان نے ملائیشیا کے یالوانتھن روی کمار کو 0-3 سے زیر کیا۔

انڈر 15 کے میچ میں ابراہیم زیب کو بھارت کے آریان دیودن نے شکست دے دی، انڈر 17 میں عبداللّٰہ نواز پہلے ہی سیمی فائنل میں جگہ بنا چکے ہیں۔

بشکریہ جنگ