ایس ایس جی سی کا پریزیڈنٹ ٹرافی میں شرکت کا فیصلہ

سوئی سدرن کی ٹیم کی پریذیڈنٹ کپ سے دستبرادی پر ترجمان سوئس سدرن نے ایک روز پہلے بیان جاری کیا کہ ان کی ترجیح ملک میں گیس کی فراہمی ہے اس لئے ڈومیسٹک ٹورنامنٹ سے دستبردار ہورہے ہیں۔

میڈیا میں خبریں آنے کے بعد سوئی سدرن گیس کی انتظامیہ نے فیصلہ تبدیل کرتے ہوئے پریزیڈنٹ ٹرافی میں شرکت کا فیصلہ کرلیا۔

ہفتے سے شروع ہونے والے فرسٹ کلاس ایونٹ میں ایس ایس جی سی کی ٹیم ایکشن میں نظر آئے گی، سوئی سدرن گیس کی ٹیم نے اپنے فیصلے سے پی سی بی کو آگاہ کردیا۔

اس سے قبل نیشنل بینک، کے پی ٹی اور پورٹ قاسم بھی ٹورنامنٹ میں شرکت سے معذرت کرچکے ہیں۔

ملک میں ڈپارٹمنٹل کرکٹ ٹیموں کی بھالی کے بعد ہفتے سے پریزیڈنٹ ٹرافی کا آغاز ہورہا ہے جس میں آٹھ ڈپارٹمنٹل ٹیمیں شرکت کررہی ہیں لیکن گزشتہ روز سوئی سدرن گیس کی ٹیم نے ایونٹ کے آغاز سے چار روز قبل فرسٹ کلاس ٹورنامنٹ میں شرکت سے معذرت کرتے ہوئے ایونٹ سے دستبردار ہوگئی تھے۔

لیکن دوسرے ہی روز ایس ایس جی سی نے فیصلہ تبدیل کرتے ہوئے پریزیڈنٹ ٹرافی میں شرکت کا فیصلہ کرلیا اور پی سی بی کو بھی اپنی دستیابی سے آگاہ کردیا۔

بشکریہ جنگ