اکتوبر کے دوران پی ایس ایکس میں کاروبار کا ملا جلا رجحان

پاکستان اسٹاک ایکسچینج (پی ایس ایکس) میں ماہ اکتوبر کے دوران کاروبار کا ملا جلا رجحان رہا، مہینے کے اختتام پر 100 انڈیکس میں مجموعی طور پر 135 پوائنٹس کا اضافہ ہوا۔ 

پی ایس ایکس بینچ مارک 100 انڈیکس اکتوبر کے اختتام پر 41 ہزار 264 پوائنٹس پر بند ہوا ہے۔ 

اس دوران 1583 پوائنٹس کے بینڈ میں رہا جہاں اس کی بلند ترین سطح 42 ہزار 675 جبکہ کم ترین سطح 41 ہزار 92 رہی۔ 

اسی طرح رواں ماہ کے دوران حصص بازار میں 5 ارب 81 کروڑ شیئرز کے سودے ہوئے جبکہ اسٹاک ایکسیچنج کے اکتوبر میں کاروبار کی مالیت 164 ارب روپے رہی۔

پاکستان اسٹاک ایکسچینج کی مارکیٹ کیپٹلائزیشن اکتوبر میں 118 ارب روپے کم ہوکر 6 ہزار 663 ارب روپے رہی۔

بشکریہ جنگ